برطانیہ کے سابق شہزادے اینڈریو ماونٹ بیٹن-ونڈسر کو اختیارات کے غلط استعمال کے شبہے میں گرفتار کر لیا گیا ہے ۔

پولیس نے آج بروز جمعرات، برطانوی قانون کی رُو سے ماونٹ بیٹن-ونڈسر کا نام خفیہ رکھتے ہوئے جاری کردہ بیان میں کہا ہے کہ ایک 60 سالہ شخص  کو گرفتار کیا  گیاہے۔

بیان میں تھیمز ویلی پولیس نے کہا ہے کہ "تحقیقات کے حصے کے طور پر آج ہم نے، نورفوک کے رہائشی، ایک ساٹھ سالہ شخص کو  بد عنوانی کے شبہے میں گرفتار کیا ہے"۔

بیان میں مزید کہا گیا ہے کہ "تفصیلی جانچ پڑتال کے  بعد، ہم نے سرکاری اختیارات کے غلط استعمال  کے الزام   میں زیرِ حراست شخص کے خلاف تفتیش شروع کر دی ہے۔ ہم اپنے شراکت داروں کے ساتھ مل کر الزام کی تفتیش کر رہے ہیں  اور ہمارا تحقیق کی سالمیت و معروضیت کو محفوظ رکھنا   ضروری ہے"۔

واضح رہے کہ گذشتہ ہفتے سامنے آنے والے نئی انکشافات سے معلوم ہوتا ہے کہ اینڈریو نے بحیثیت  برطانوی تجارتی نمائندے اپنی مدّتِ ملازمت  کے دوران سزا یافتہ جنسی مجرم جیفری ایپسٹین کو خفیہ دستاویزات بھیجی تھیں۔