اگلا نمبر کیوبا کا ہے: ٹرمپ

امریکہ کے صدر ڈونلڈ ٹرمپ نےکہا ہے کہ ایران کے خلاف فوجی کارروائی کے بعدباری کیوبا کی ہو گی۔  کیریبین  قوم  جلد ہی فیل ہو جائے گی۔

ٹرمپ نے بروز اتوار  واشنگٹن، ڈی سی جاتے ہوئے ایئر فورس ون میں صحافیوں کے ساتھ بات چیت میں کہا ہے کہ اگلی باری کیوبا کی ہے۔

انہوں نے کہا ہے کہ کیوبا ایک الجھا ہوا اور ناکام ملک ہے۔ لہٰذا اگلا نمبر کیوبا کا ہے۔ وہ جلد ہی ناکام ہو جائیں گے اور ہم ان کی مدد کے لئے وہاں موجود ہوں گے۔ ہم اپنے کیوبن امریکیوں کی مدد کے لیے وہاں ہوں گے"۔

'روسی تیل' کے معاملے میں 'کوئی مسئلہ نہیں ہے'

نیو یارک ٹائمز کی روسی تیل بردار جہاز کو کیوبا پہنچنے کی اجازت دیئے  جانے سے متعلقہ خبر کے بارے میں سوال کے جواب میں ٹرمپ نے کہا ہے کہ "ہمیں  کسی کے ایک جہاز تیل حاصل کرنے پر کوئی اعتراض نہیں ہے۔کیونکہ انہیں زندہ  بھی تو رہنا ہے۔میں نے انہیں کہ دیا ہے کہ چاہے  روس ہو یا کوئی اور ملک اگر کوئی   کیوبا کو کچھ تیل بھیجنا چاہتا ہے تو مجھے کوئی اعتراض نہیں ہے"۔

اس سوال کے جواب میں کہ کیا وہ  اس طرح صدر پوتن کو فائدہ پہنچنے کے بارے میں فکر مند نہیں ہیں؟ ٹرمپ نے کہا  ہےکہ ایسا نہیں ہوگا۔حقیقت یہ ہے کہ صدر پوتن  پیٹرول کا ایک جہاز گنوا رہے ہیں۔اگر وہ یا دیگر ممالک ایسا کرنا چاہتے ہیں تو مجھے اس پر کوئی اعتراض نہیں ہے۔ اس کا کوئی فائدہ نہیں ہوگا کیونکہ کیوبا ختم ہو چکا ہے"۔

ٹرمپ نے کہا ہے کہ "کیوبا کی انتظامیہ  بہت بُری  اور بدعنوان ہے۔ ان کے ایک جہاز تیل وصول کرنے یا نہ کرنے سے مجھے کوئی فرق نہیں پڑتا ان کا کام ختم ہو چُکا ہے۔ میں، روس کی طرف سے ہو یا کسی اور ملک کی طرف سے، پیٹرول کے کیوبا میں  داخلے کو ترجیح دوں گا  کیونکہ لوگوں کو گرمائش کی، ٹھنڈک کی اور  دیگر ضروریاتِ زندگی  کی ضرورت ہے"۔