ایران کے فوجی سربراہ نے خبردار کیا کہ ایران خود کو بیرونی طاقتوں کی طرف سے خطرے میں نہیں آنے دے گا۔

 جنرل امیر حاتمی نے بدھ کو فارس نیوز ایجنسی کے مطابق کہا کہ اسلامی جمہوریہ ایران اپنی  قوم کے خلاف دشمنانہ بیانات میں اضافے کو ایک خطرہ سمجھتا ہے ۔

کمانڈر حاتمی نے خبردار کیا کہ اگر دشمن غلطی کرے گا تو ایران کا ردعمل گزشتہ جون میں اسرائیل کے ساتھ 12 روزہ جنگ کے مقابلے میں زیادہ مضبوط ہوگا۔

حالیہ دنوں میں، امریکی صدر ڈونلڈ ٹرمپ نے دھمکی دی ہے کہ اگر مظاہرین مارے گئے تو وہ ایران میں مداخلت کریں گے، جبکہ اسرائیلی وزیراعظم  بنیامین نیتن یاہو نے بھی ان  احتجاجات کی حمایت کا اظہار کیا ہے۔

28دسمبر کو تہران میں تاجروں نے بڑھتی ہوئی قیمتوں اور ریال کے زوال کے خلاف احتجاج کیا، جس سے کئی شہروں میں اسی طرح کی کارروائیاں شروع ہوئیں جن میں سے کچھ جان لیوا تھیں۔

،" ٹرمپ نے اتوار کو صحافیوں کو بتایا کہ ہم اس صورتحال کا قریبی مشاہدہ  کر رہے ہیں، اگر وہ ماضی کی طرح لوگوں کو مارنا شروع کر دیتے ہیں تو مجھے لگتا ہے کہ امریکہ انہیں بہت سخت نقصان  پہنچائے گا۔

دریں اثنا، نیتن یاہو نے اسرائیل کی کابینہ سے کہا کہ ہم ایرانی عوام کی جدوجہد اور ان کی آزادی و انصاف کی خواہشات کے ساتھ  کھڑے ہیں۔

یاد رہے کہ  ایرانی وزارت خارجہ نے ٹرمپ اور نیتن یاہو پر تشدد کو بھڑکانے اور ایران کی قومی  سالمیت  کو کمزور کرنے کی کوشش کا الزام لگایا تھا۔