یورپی یونین کے باہر کے شہریوں سے  فنگر پرنٹس اور  فیس  اسکیننگ  کرناے کا تقاضا کرنے والا نظام ہوائی اڈوں پر طویل قطاروں کا باعث بن گیا۔

رپورٹ کے مطابق فرانس، بیلجیم، ہالینڈ، جرمنی، یونان، مالٹا، پرتگال، اٹلی اور سوئٹزرلینڈ نے سرحدی روانی برقرار رکھنے کے لیے اس عمل کے اطلاق کو مؤخر کیا ہے۔

یہ نظام گزشتہ  اکتوبر میں نافذ کیا گیا تھا اور توقع تھی کہ یہ اپریل تک مکمل طور پر نافذ العمل ہو جائے گا۔

ممالک کو گرمیوں کے دوران سفری افراتفری سے بچنے کے لیے کنٹرولز کو معطل کرنے کی اجازت دینے کے لیے 150 دن کی عدم نفاذ کی مدت دی گئی تھی۔

اگرچہ یہ مدت 6 ستمبر کو ختم ہو گئی، نو ممالک نے اعلان کیا کہ جب تک نظام درست طریقے سے کام نہیں کر رہے وہ کنٹرول نافذ نہیں کریں گے۔

ایئر لائنز کا ردِ عمل

ایئر لائنز اور ہوائی اڈوں نے یورپی یونین کے نئے سرحدی کنٹرول نافذ کرنے کے طریقہ کار  پر تنقید کی۔

Ryanair نے ایئر پورٹس اور سرحدی حکام کو مناسب وقت فراہم کرنے کے لیے EES استثنا کو کم از کم اپریل 2027 تک بڑھانے کی درخواست کی۔

Ryanair کے آپریشنز منیجر نیل مک مَہون نے کہا کہ یہ عمل ابتدا سے انتہا تک تباہ کن تھا اور ان کی وارننگز پر توجہ نہیں دی گئی۔