یوکرینی فوج اور مقامی حکام نے اتوار کو کہا کہ روس نے درجنوں حملہ آور ڈرونز اور بیلسٹک اور کروز میزائلوں کے ساتھ یوکرین پر حملہ کیا، ہدف توانائی کا انفراسٹرکچر تھا ۔

ریجنل گورنر مائیکولا کالاشنک نے ٹیلیگرام پر کہا  کہ رات بھر کے حملوں نے کیف اور دارالحکومت کے آس پاس کے خطے، بحیرہ اسود کے بندرگاہی شہر اوڈیسا اور وسطی یوکرین کو نشانہ بنایا۔ کیف کے علاقے میں کم از کم ایک شخص زخمی ہوا جبکہ پانچ اضلاع میں نقصان کی اطلاعات ہیں جہاں درجنوں سے زائد گھر تباہ ہوئے ۔

اوڈیسا کے گورنر اولے کیپر نے ٹیلیگرام پر لکھا کہ خطے کے توانائی کے انفراسٹرکچر پر رات کے وقت ڈرون حملے سے آگ لگی جو بعد ازاں بجھا دی گئی۔

روس تقریباً روزانہ یوکرین کے توانائی کے نظام پر حملہ کرتا ہے، حرارتی بجلی گھروں اور برقی ذیلی اسٹیشنز کو نشانہ بناتا ہے۔

بجلی گھروں، توانائی کی ترسیل کے نظام اور گیس سیکٹر پر حملے فروری 2022 میں روس کی طرف سے شروع کیے گئے مکمل پیمانے پر حملے کے اہم عناصر ہیں۔ ماسکو کا کہنا ہے کہ وہ یوکرین کی لڑنے کی صلاحیت کو کمزور کرنا چاہتا ہے۔

یوکرین کے وزیر خارجہ اینڈری سیبِہا نے ایکس پر کہا کہ روس دہشت گردانہ وسیع حملوں کے ذریعے سفارت کاری کو کمزور کرتا رہتا ہے یہ دہشت گردی معمول کی نہیں بن سکتی؛ اسے روکا جانا چاہیے۔ روس دنیا کو ہلا نہیں سکتا، جیسے دم کتے کو ہلا نہیں سکتی،" انہوں نے کہا اور بین الاقوامی برادری سے کریملن کے خلاف سخت پابندیاں عائد کرنے کا مطالبہ کیا۔

روس تقریباً روزانہ یوکرین کے توانائی کے نظام پر حملہ کرتا ہے۔

دوسری جانب، قومی پولیس نے اتوار کو کہا کہ لیفیو کے وسطی علاقے میں آدھی رات کو کئی دھماکہ خیز آلات پھٹنے سے ایک پولیس افسر ہلاک اور 24 دیگر افراد زخمی ہو گئے۔

پولیس نے ٹیلیگرام پر کہا کہ ابتدائی طور پر اس بات کا تعین کیا گیا ہے کہ گھریلو ساختہ دھماکہ خیز آلات پھٹےپولیس نے کہا کہ پہلے دھماکے کا واقعہ اس وقت ہوا جب گشت کی ٹیم ایک دکان میں توڑ پھوڑ کے مشتبہ مقام پر پہنچی، جبکہ دوسرا دھماکہ تھوڑے ہی دیر بعد ہوا۔

لیفیو کے میئر اینڈری ساڈووئی نے واقعے کو ایک دہشت گردانہ کارروائی قرار دیا۔