ایران سے متعلقہ  ایک انسانی تنظیم نے بتایا کہ  ایران  کے  مظاہروں میں ہونے والی ہلاکتوں کی تعداد 38 تک پہنچ گئی ہے جبکہ امریکی گروپ کی ویب سائٹ پر شائع ہونے والی رپورٹ میں کہا گیا کہ ملک بھر میں 11 دن سے مظاہرے جاری ہیں۔

 گروپ نے مزید  کہا کہ تمام 31 صوبوں میں احتجاج ہوئے، جن کے نتیجے میں 34 مظاہرین اور چار سیکیورٹی ارکان ہلاک ہو چکے ہیں۔

348 مقامات پر ہوئے مظاہروں میں درجنوں زخمی ہوئے جبکہ   2,217 گرفتار  کیا گیا البتہ حکام نے ہلاک یا زخمی افراد کے بارے میں کوئی بیان جاری نہیں کیا۔

امریکی صدر ڈونلڈ ٹرمپ نے  گزشتہ ہفتے   کہا تھا  کہ اگر تہران مظاہرین پر  بے دریغ طاقت استعمال کرتا ہے تو واشنگٹن مظاہرین کی مدد کو آئے گا۔

ایران کو حالیہ ہفتوں میں بگڑتی معیشت اور ریال کی قدر میں  شدید  گرواٹ  سےوسیع پیمانے پر احتجاج کا سامنا کرنا پڑ رہا ہے۔