امریکی فوج کے سینٹرل کمانڈنے کہا ہے کہ ایران کے خلاف امریکی-اسرائیلی مشترکہ حملوں کے دوران جنگ میں ہلاک ہونے والے دو مزید سروس ممبران کی لاشیں بازیاب کر لی گئی ہیں۔

سینٹ کوم نے پیر کو ایکس پر پوسٹ کیے گئے ایک بیان میں کہا کہ 2 مارچ کو شام 4 بجے تک جنگ میں چھ امریکی فوجی ہلاک ہو چکے ہیں اور امریکی افواج نے حال ہی میں ریجن میں ایران کے ابتدائی حملوں کے دوران نشانہ بننے والی ایک تنصیب  سے 2 نا معلوم سروس اہلکار کی باقیات بازیاب کیں۔

پیر کے اوائل میں، سینٹ کوم نے اعلان کیا تھا کہ چار امریکی اہلکار  ہلاک ہو گئے ہیں، جب کہ ایران کے ابتدائی حملوں میں شدید زخمی ایک اہلکار  چل بسا۔

اس واقع سے آگاہ ایک امریکی افسرکے حوالے سے، امریکی CBS News نے رپورٹ کیا کہ تمام چھ سروس ممبران اسی ایرانی جوابی حملے کے نتیجے میں  اختتام الہفتہ  کویت میں ہلاک ہوئے۔

پہلے کی رپورٹس میں بتایا گیا تھا کہ ہفتے کو 'ایپک فیوری' کے نام سے شروع  کردہ  ایران کے خلاف  امریکی-اسرائیلی مشترکہ آپریشن میں  18 امریکی اہلکار  زخمی ہوئے ہیں۔

ان حملوں میں چند اعلیٰ ایرانی حکام ہلاک ہو چکے ہیں، جن میں سپریم لیڈر علی خامنہ ای بھی شامل ہیں۔ تہران نے خطے میں متعدد خلیجی ممالک، خصوصاً امریکی فوجی اڈوں کو نشانہ بناتے ہوئے ڈرون اور میزائل حملوں سے جواب دیا۔