چین اور جنوبی کوریا کے دفاعی حکام نے پندرہ سالہ وقفے کے بعد، بحری تلاش و بچاؤ کی مشترکہ مشقوں 'SAREX' کے دوبارہ آغاز پر، بات چیت کی ہے۔
یہ ملاقات، 3 سال سے زائد عرصے کے بعد، بروز جمعرات بیجنگ میں منعقدہ 21ویں دوطرفہ دفاعی پالیسی اجلاس کے دوران طے پائی ۔
مذاکرات میں دونوں فریقین نے دفاعی تعاون کی بحالی کی کوششوں کو مثبت قرار دیا، دفاعی حکام کے درمیان روابط کے دائرے کو پھیلانے اور اسٹریٹجک بات چیت کے راستوں کی بحالی کے لیے قریبی تعاون پر اتفاق کیا ہے۔
واضح رہے کہ SAREX مشقیں 2005، 2007 اور 2008 میں منعقد ہوئی تھیں، جبکہ آخری مشقیں 2011 میں کی گئیں تھیں۔
رواں سال ماہِ جنوری کے اوائل میں جنوبی کوریا کے صدر لی جے میونگ اور چین کے صدر شی جن پنگ کے درمیان سربراہی مذاکرات ہوئے۔دونوں صدور نے دوطرفہ تعلقات کو فروغ دینے اور حل کے منتظر مسائل کو حل کرنے کے لئے کاروائیاں شروع کرنے پر اتفاق کیا تھا۔
حالیہ ملاقات اسی اتفاق کے حوالے سے طے پائی ہے۔
