غزہ کی وزارت صحت نے کہا ہے کہ اسرائیل نے دو سال سے زیادہ عرصہ قبل نسل کشی کے آغاز سے اب تک 70,000 سے زائد افراد کو قتل کیا ہے

یہ اعلان ہفتہ کو ہوا جب اسرائیل نازک جنگ بندی کی خلاف ورزی جاری رکھے ہوئے ہے۔

غزہ کی وزارت صحت نے ایک بیان میں کہا کہ قتل و غارت میں ہلاکتوں کی تعداد 70,100 تک پہنچ گئی ہے۔

وزارت نے کہا کہ 10 اکتوبر کو جنگ بندی نافذ ہونے کے بعد سے 354 فلسطینی اسرائیلی فائرنگ سے ہلاک ہو چکے ہیں۔

وزارت نے کہا کہ گزشتہ 48 گھنٹوں میں غزہ کے ہسپتالوں میں دو لاشیں پہنچیں، جن میں سے ایک ملبے کے نیچے سے نکالی گئی تھی مزید یہ کہ  ہلاکتوں کی تعداد میں اضافہ اس وجہ سے ہوا کہ 299 لاشوں سے متعلق ڈیٹا حکام کی جانب سے منظور ہو چکا تھا۔

جنگ بندی کے باوجود، فلسطینی علاقہ اسرائیل کی ناکہ بندی اور خلاف ورزیوں کی وجہ سے گہرے انسانی بحران میں مبتلا ہے۔

تازہ ترین تعداد اس وقت سامنے آئی ہے جب اقوام متحدہ ہر سال 29 نومبر کو فلسطینی عوام کے ساتھ یکجہتی کا عالمی دن منا رہا ہے۔

اقوام متحدہ کے سربراہ انتونیو گوٹیریس نے ایک بیان میں کہا کہ اس سانحے نے کئی لحاظ سے ان اصولوں اور قوانین کو آزمایا ہے جو نسلوں سے بین الاقوامی برادری کی رہنمائی کرتے آئے ہیں۔"

انہوں نے مزید کہا کہ اتنے زیادہ شہریوں کا قتل، پوری آبادی کی بار بار بے دخلی اور انسانی امداد میں رکاوٹ کسی بھی صورت میں قابل قبول نہیں ہونی چاہیے،"

حالیہ جنگ بندی امید کی ایک کرن پیش کرتی ہے۔ اب یہ ضروری ہے کہ تمام فریقین اس کا مکمل احترام کریں اور بین الاقوامی قانون کی بحالی اور برقرار رکھنے والے حل کے لیے نیک نیتی سے کام کریں۔"

اسرائیل نے زیادہ تر محاصرہ شدہ علاقے کو کھنڈر بنا دیا ہے اور تقریبا تمام   آبادی کو  بے گھر کر دیا ہے